दक्षिण सोलापूर (प्रतिनिधी) : तालुक्यातील दोड्डी गावात रामराज्य प्रतिष्ठानच्या वतीने रामनवमी उत्साहात आणि भक्तिमय वातावरणात साजरी करण्यात आली. या कार्यक्रमाला गावातील नागरिक व मान्यवर मोठ्या संख्येने उपस्थित होते.
यावेळी श्रीरामाच्या प्रतिमेस पुष्पहार अर्पण करून पूजन करण्यात आले. श्रद्धा आणि भक्तीभावाने भारलेल्या वातावरणात नागरिकांनी श्रीरामाचे नामस्मरण करत रामनवमी साजरी केली.
गावातील नागरिकांनी एकत्र येत धार्मिक एकतेचा संदेश दिला. संपूर्ण कार्यक्रम शांततापूर्ण आणि भक्तिमय वातावरणात पार पडला.
