अंदरसुल प्रतिनिधी : येवला येथील डॉ. एस. के. पाटील यांना प्रसूतीशास्त्र व स्त्रीरोग तज्ज्ञ संघटना, नाशिक जिल्हा यांच्या वतीने ‘NOGS’ आजीवन उत्कृष्ट कामगिरी पुरस्काराने सन्मानित करण्यात आले.
वैद्यकीय क्षेत्रात केलेल्या उल्लेखनीय कार्याची दखल घेत हा पुरस्कार त्यांना प्रदान करण्यात आला. त्यांच्या या यशाबद्दल विविध मान्यवरांनी त्यांचा सत्कार करून पुढील वाटचालीस शुभेच्छा दिल्या.
यावेळी जिल्हा परिषदेचे माजी सदस्य महेंद्र शेठ काळे, येवला कृषी उत्पन्न बाजार समितीचे माजी सभापती किसन काका धनगे, डॉ. सुधाकर भागवत, शरदराव लहरे, माजी सभापती रामदास काळे, नंदकिशोर अट्टल आदी मान्यवर उपस्थित होते.
डॉ. पाटील यांच्या या यशामुळे परिसरात आनंदाचे वातावरण निर्माण झाले असून त्यांच्या कार्याचे सर्वत्र कौतुक होत आहे.
