नावडे : रयत शिक्षण संस्थेमार्फत विद्यार्थ्यांना स्पर्धा परीक्षांचा सराव व्हावा या उद्देशाने घेण्यात येणाऱ्या ‘रयत प्रज्ञाशोध (RTS)’ व ‘रयत ऑलिंपियाड’ परीक्षेत परशुराम जोमा म्हात्रे विद्यालय व आ. धों. म्हात्रे ज्युनिअर कॉलेज, नावडे येथील विद्यार्थ्यांनी उल्लेखनीय यश संपादन केले आहे.
आर.टी.एस. परीक्षा 2026
इयत्ता 7 वीच्या आर.टी.एस. परीक्षेसाठी विद्यालयातील 26 विद्यार्थी प्रविष्ट झाले होते. त्यापैकी 19 विद्यार्थी उत्तीर्ण होऊन विद्यालयाच्या शिरपेचात मानाचा तुरा रोवला आहे. या यशामागे विषय शिक्षकांचे मोलाचे मार्गदर्शन लाभले.
सौ. नाईक एस.पी., श्रीम. मोकल के.जी., सौ. पाटील एस.एस., सौ. सांगडे आर.बी., श्री. नाईक पी.बी., श्रीम. पाटील एस.ए. यांनी विद्यार्थ्यांना विशेष मार्गदर्शन केले.
रयत ऑलिंपियाड परीक्षा 2026
इयत्ता 9 वीच्या रयत ऑलिंपियाड परीक्षेत 21 विद्यार्थी सहभागी झाले होते. त्यापैकी 8 विद्यार्थी उत्तीर्ण झाले. या यशाबद्दल सर्व विद्यार्थ्यांचे व मार्गदर्शक शिक्षकांचे अभिनंदन करण्यात येत आहे.
परीक्षेच्या विभागप्रमुख म्हणून श्रीम. पाटील एस.ए. यांनी काम पाहिले, तर सौ. जाधव ए.ए., श्री. काकडे पी.आर., सौ. फडके ए.व्ही., श्री. चिपळेकर आर.बी., श्री. गावंड यू.जे. व श्रीम. मोकल के.जी. यांनी विद्यार्थ्यांना मार्गदर्शन केले.
या यशाबद्दल विद्यालयाच्या मुख्याध्यापिका सौ. मोहिते मॅडम, उपमुख्याध्यापिका वेळेकर मॅडम, पर्यवेक्षिका सौ. मालुसरे मॅडम, सर्व शिक्षकवृंद तसेच पालकांनी विद्यार्थ्यांचे अभिनंदन केले.
विद्यार्थ्यांनी मिळवलेल्या या यशामुळे नावडे परिसरात त्यांच्या कौतुकाचा वर्षाव होत आहे.
