“परभणी जिल्ह्याच्या कलाक्षेत्राचा मान उंचावला; मान्यवरांच्या हस्ते सन्मानचिन्ह प्रदान”
परभणी | प्रतिनिधी :-
महाराष्ट्र राज्य कलाध्यापक संघ महामंडळ व सातारा जिल्हा कलाध्यापक संघ यांच्या संयुक्त विद्यमाने आयोजित “राज्यस्तरीय कला शिक्षक सन्मान” सोहळा उत्साहात 28 व 29 मार्च रोजी स्वरगीय यशवंतराव चव्हाण सभागृह सातारा येथे पार पडला. या सोहळ्यात परभणी जिल्ह्यातील कलाध्यापक ज्ञानेश्वर सूर्यभान कौसाईतकर यांचा मान्यवरांच्या हस्ते सन्मान करण्यात आला.
कार्यक्रमात कौसाईतकर यांना प्रशस्तीपत्र, सन्मानचिन्ह व स्मृतिचिन्ह देऊन त्यांच्या कला क्षेत्रातील उल्लेखनीय कार्याची दखल घेण्यात आली. त्यांनी विद्यार्थ्यांमध्ये कला विषयाची आवड निर्माण करून त्यांना विविध स्पर्धांमध्ये यश मिळवून दिल्याबद्दल विशेष कौतुक करण्यात आले.
यावेळी महामंडळाचे राज्याध्यक्ष माननीय श्री नरेंद्र बारई, राज्य सरचिटणीस दिगंबर बेंडाळे, राज्य सल्लागार व माजी राज्य अध्यक्ष श्री पी आर पाटील, सातारा जिल्हा कलाध्यापक कार्यकारणी जिल्हाध्यक्ष उमेश देशमुख, श्री मकरंद गोंधळी माजी शिक्षण सहसंचालक महाराष्ट्र राज्य
या कार्यक्रमाला राज्यभरातील कला शिक्षकांची मोठ्या संख्येने उपस्थिती होती. मंचावर उपस्थित मान्यवरांनी कला शिक्षणाचे महत्त्व अधोरेखित करताना कौसाईतकर यांच्या कार्याचा विशेष उल्लेख केला.
सत्काराला उत्तर देताना ज्ञानेश्वर कौसाईतकर यांनी हा सन्मान आपल्या कार्याची पावती असल्याचे सांगितले. पुढील काळात विद्यार्थ्यांच्या कलागुणांना अधिक वाव देण्यासाठी कटिबद्ध राहणार असल्याचे त्यांनी नमूद केले. कार्यक्रमासाठी रणवीर सर सर काळे सर मुलगीर सर सिरसकर सर व परभणी जिल्ह्यातील मित्र मंडळी उपस्थित होते
कार्यक्रमाचे आयोजन अत्यंत सुयोग्य रितीने करण्यात आले असून उपस्थितांनी आयोजकांचे कौतुक केले.
राज्यस्तरीय कला शिक्षक सन्मान सोहळ्यात ज्ञानेश्वर सूर्यभान कौसाईतकर यांना मान्यवरांच्या हस्ते सन्मानित करतानाचा क्षण.
