आजरा | प्रतिनिधी :
आजरा येथील रवळनाथ कॉलनीतील नागरिकांची अनेक दिवसांची प्रतीक्षा अखेर संपुष्टात आली असून, सिमेंट काँक्रीट रस्त्याच्या कामाचा शुभारंभ दि. ३१ मार्च २०२६ रोजी उत्साहात करण्यात आला. पालकमंत्री प्रकाश आबिटकर यांच्या विकास निधीतून मंजूर झालेल्या या कामाचे उद्घाटन नगरसेवक परशुराम बामणे यांच्या हस्ते करण्यात आले.
रवळनाथ कॉलनी येथील एकनाथ बामणे यांच्या घरापासून ते कृष्णा पाटील (इंजिनिअर) यांच्या घरापर्यंतच्या रस्त्याच्या काँक्रीटीकरण कामाची सुरुवात श्रीफळ वाढवून करण्यात आली.
या प्रसंगी दयानंद वटेकर, विनायक दंडगे, अतुल पाटील (अध्यक्ष, रवळनाथ कॉलनी), जोतिबा आजगेकर (अध्यक्ष, समर्थ कॉलनी), चंद्रकांत देसाई, भरत बुरुड, विश्वास हेरेकर, दिलीप डोंगरे यांच्यासह परिसरातील नागरिक मोठ्या संख्येने उपस्थित होते.
वॉर्ड क्र. १५ मध्ये यापूर्वी खराब रस्ते व चिखलामुळे नागरिकांना मोठ्या अडचणींचा सामना करावा लागत होता. मात्र, नव्या रस्त्यामुळे वाहतुकीची समस्या सुटणार असून परिसरात समाधानाचे वातावरण निर्माण झाले आहे.
नगरसेवक परशुराम बामणे यांनी पदभार स्वीकारल्यानंतर विकासकामांना गती दिल्यामुळे नागरिकांकडून त्यांच्या कार्याचे कौतुक केले जात आहे.
