माळशिरस | प्रतिनिधी :
महाराणी अहिल्यादेवी होळकर एज्युकेशन सोसायटी, सांगली संचलित महालिंगेश्वर विद्यालय व श्रीमान शेठ हिरालाल माणिकदास दोशी ज्युनियर कॉलेज, खुडूस (ता. माळशिरस, जि. सोलापूर) यांनी ‘स्वच्छ सुंदर शाळा’ स्पर्धेत तालुकास्तरावर दुसरा क्रमांक पटकावून उल्लेखनीय यश मिळवले आहे.
दि. २९ मार्च २०२६ रोजी जाहीर झालेल्या निकालात विद्यालयाने टप्पा क्रमांक तीनमध्ये हा मानाचा बहुमान मिळवला. या यशामुळे शाळेच्या वैभवात आणखी भर पडली आहे.
या यशाबद्दल संस्थेचे चेअरमन आर. एस. चोपडे, उपाध्यक्ष, सचिव, खजिनदार, संचालक मंडळ, सल्लागार, मुख्याध्यापक, शिक्षकवृंद, शिक्षकेत्तर कर्मचारी, शालेय व्यवस्थापन समिती तसेच खुडूस, डोंबाळवाडी, झंजेवाडी, पानिव येथील ग्रामस्थांनी अभिनंदन केले.
गटशिक्षणाधिकारी श्रीमती महामुनी यांनी दूरध्वनीद्वारे प्राचार्य लोखंडे टी. बी. यांचे अभिनंदन केले.
हा पुरस्कार मिळवण्यासाठी शिक्षक, प्राध्यापक, कर्मचारी तसेच विद्यार्थी यांनी घेतलेल्या परिश्रमांचे फळ मिळाल्याचे समाधान व्यक्त करण्यात आले.
