गेवराई (प्रतिनिधी) : मौजे कोलतेवाडी येथील श्री बजरंग बली मंदिराचा जीर्णोद्धार पूर्ण झाला असून, त्यानिमित्त बजरंग बली व विठ्ठल-रखुमाई मूर्ती प्राणप्रतिष्ठा, महापूजा, यज्ञ व त्रिदिनी कीर्तन सोहळ्याचे आयोजन मोठ्या भक्तिभावाने करण्यात आले आहे.
या धार्मिक कार्यक्रमांत मंगळवार, ३१ मार्च रोजी ह.भ.प. युवा कीर्तनकार सुनील महाराज काळे यांचे कीर्तन होणार आहे. बुधवारी, ०१ एप्रिल रोजी ह.भ.प. विष्णू महाराज जगताप यांचे कीर्तन, तर गुरुवारी, ०२ एप्रिल रोजी ह.भ.प. पु. बाबा महाराज राऊत यांचे कीर्तन होणार आहे.
कार्यक्रमाच्या दरम्यान मंगळवारी नगर प्रदक्षिणा, स्थापित देवतांचे पूजन व मूर्ती जलाधिवास, बुधवारी होमहवन, मूर्ती प्राणप्रतिष्ठा व धान्य अधिवास तसेच गुरुवारी होमहवन, पूर्णाहुती, बलिदान, आरती व महाप्रसादाचे आयोजन करण्यात आले आहे.
या सर्व धार्मिक कार्यक्रमांचा भाविकांनी लाभ घ्यावा, असे आवाहन कोलतेवाडी येथील समस्त ग्रामस्थांनी केले आहे.
