(प्रतिनिधी) :
गरजू व आर्थिकदृष्ट्या दुर्बल रुग्णांसाठी सातत्याने कार्य करणारे समाजसेवक अक्षय राठोड यांना राज्यस्तरीय ‘राष्ट्रभक्ती महाराष्ट्र गौरव पुरस्कार’ प्रदान करून सन्मानित करण्यात आले. त्यांच्या रुग्णसेवा व सामाजिक कार्यातील उल्लेखनीय योगदानाची दखल घेत हा पुरस्कार देण्यात आला.
अक्षय राठोड यांनी अनेक वर्षांपासून समाजातील वंचित घटकांसाठी निःस्वार्थपणे काम केले आहे. विशेषतः आर्थिक अडचणीत असलेल्या रुग्णांना उपचार मिळवून देण्यासाठी त्यांनी पुढाकार घेतला आहे. रुग्णालयांमध्ये भेट देऊन रुग्णांना फळे, बिस्किटे, चिवडा यांसारख्या वस्तू देत त्यांना मानसिक आधार देण्याचे कार्य ते सातत्याने करत आहेत.
या कार्याची दखल घेत संस्थापक अध्यक्ष सुनील सुरेश गोरे यांच्या हस्ते त्यांना हा राज्यस्तरीय पुरस्कार प्रदान करण्यात आला. समाजकार्यात विविध उपक्रम राबवून अनेक कुटुंबांना आधार देण्याचे कार्य राठोड करत असून त्यांच्या कार्याचे सर्वत्र कौतुक होत आहे.
या सन्मानामुळे अक्षय राठोड यांना समाजसेवेची अधिक प्रेरणा मिळेल व भविष्यातही ते अधिक जोमाने कार्य करतील, अशी अपेक्षा व्यक्त होत आहे.
