नाशिक (प्रतिनिधी):
विवेक जागर संस्था व शहीद डॉ. नरेंद्र दाभोलकर यांच्या प्रेरणेने स्थापन झालेल्या महाराष्ट्र अंधश्रद्धा निर्मूलन समिती यांच्या वतीने फलज्योतिष व बुवाबाजी विरोधी संघर्ष परिषद आज नाशिक येथे उत्साहात पार पडली.
या परिषदेला प्रमुख म्हणून कामगार नेते कॉ. डी. एल. कराड, प्राचार्य डॉ. नितीन शिंदे, इस्लामपूर-सोलापूरचे दादा चांदणे, निवृत्त सहाय्यक पोलीस आयुक्त बाबासाहेब बुधवंत, वकील रंजना गवांदे तसेच मनोविकार तज्ञ जयंत टाके यांनी उपस्थित राहून आपले मनोगत व्यक्त केले.
परिषदेदरम्यान फलज्योतिष भ्रमातून वास्तवाकडे या पुस्तकाचे प्रकाशन करण्यात आले. या पुस्तकातून अंधश्रद्धेविरोधात वैज्ञानिक दृष्टिकोन मांडण्यात आला आहे.
कार्यक्रमाचे सूत्रसंचालन आरती नाईक यांनी केले. परिषदेच्या शेवटी जागृतीसाठी रॅली काढण्यात आली, ज्यामधून अंधश्रद्धा निर्मूलनाचा संदेश नागरिकांपर्यंत पोहोचविण्यात आला.
