परभणी प्रतिनिधी :-
परभणी जिल्ह्यातील मानवत येथील ऑड.मुकुंद पाटील महाराष्ट्र राज्य विधी सेवा प्राधिकरण, मुंबई यांच्या आदेशानुसार मानवत येथील नामांकित वकील ॲड. मुकुंद व्ही. पाटील यांची मानवत तालुका विधी सेवा प्राधिकरण (जिल्हा परभणी) अंतर्गत ‘पॅनल विधीज्ञ’ (Panel Lawyer) आणि ‘रिटेनर विधीज्ञ’ (Retainer Lawyer) म्हणून नियुक्ती करण्यात आली आहे.
विधी सेवा प्राधिकरणाच्या माध्यमातून सर्वसामान्य नागरिकांना कायदेशीर मदत मिळवून देणे आणि न्यायदानाची प्रक्रिया अधिक सुलभ करणे, या उद्देशाने ही महत्त्वाची निवड करण्यात आली आहे. ॲड. मुकुंद पाटील यांच्या निवडीमुळे त्यांच्यावर कायदेशीर क्षेत्रातून कौतुकाचा वर्षाव होत आहे.
या निवडीबद्दल मानवत वकील संघ, त्यांचे आप्तस्कीय, मित्र परिवार आणि विविध क्षेत्रातील मान्यवरांनी त्यांचे अभिनंदन केले असून त्यांच्या पुढील वाटचालीस शुभेच्छा दिल्या आहेत.
