बेल्हे (प्रतिनिधी) : जागतिक हिवताप दिनानिमित्त शनिवार, दि. २५ एप्रिल २०२६ रोजी प्राथमिक आरोग्य केंद्र बेल्हे येथे विविध जनजागृती उपक्रमांचे आयोजन करण्यात आले. वैद्यकीय अधिकारी डॉ. शिवाजी फड यांच्या मार्गदर्शनाखाली बेल्हे गावातून रॅली काढण्यात आली. यावेळी आशा सेविकांनी हिवताप प्रतिबंधक घोषणांद्वारे नागरिकांमध्ये जागरूकता निर्माण केली.
आरोग्य निरीक्षक नरेंद्र कुंडलिक देठे यांनी उपस्थित अधिकारी, कर्मचारी व नागरिकांना हिवताप प्रतिबंधाची शपथ दिली. तसेच वैद्यकीय अधिकारी डॉ. शिवाजी फड, द्वितीय वैद्यकीय अधिकारी डॉ. शिल्पा भोर आणि औषधनिर्माण अधिकारी विनायक गाडगे यांनी हिवतापाविषयी सविस्तर शास्त्रीय माहिती देत प्रतिबंधात्मक उपायांची माहिती नागरिकांना दिली.
या कार्यक्रमास समुदाय आरोग्य अधिकारी डॉ. किरण गायखे, डॉ. अक्षय जोरी, आरोग्य सहायिका पल्लवी रोकडे, स्टाफ नर्स अभिषेक घोरपडे, प्र. शाळा वैद्यकीय अधिकारी मानसिंग परदेशी, आशा गटप्रवर्तक कविता पाबळे, आरोग्य सेविका अर्चना चिवळे व सुजाता गायकवाड, आरोग्य सेवक भाऊसाहेब काळे, जगदीश ताजवे, निलेश झिने, तुषार ठुबे तसेच परिचर नितीन गोपाळे, नानाभाऊ बोरचटे, अमोल गवारी यांच्यासह सर्व आशा सेविका व ग्रामस्थ मोठ्या संख्येने उपस्थित होते.
हिवतापमुक्त गाव आणि निरोगी समाज हा संदेश देत आयोजित करण्यात आलेला हा उपक्रम यशस्वी करण्यासाठी सर्व अधिकारी व कर्मचाऱ्यांनी विशेष परिश्रम घेतले.
