बिलोली (प्रतिनिधी) : नायगाव (बाजार) येथील अध्यापक महाविद्यालय बी.एड कॉलेजमध्ये बी.एड द्वितीय वर्ष २०२५-२०२६ बॅचच्या विद्यार्थ्यांच्या वतीने २४ एप्रिल रोजी शिक्षक व प्राचार्यांचा कृतज्ञता सत्कार समारंभ उत्साहपूर्ण वातावरणात पार पडला. कार्यक्रमाची सुरुवात स्वागत गीताने झाली असून सूत्रसंचालन करण समेटवार यांनी उत्कृष्टरीत्या पार पाडले. प्रारंभी प्राचार्य डॉ. प्रा. मारोती माने यांचा शॉल, हार, फोटो फ्रेम व भेटवस्तू देऊन सत्कार करण्यात आला. त्यानंतर प्रा. हंबर्डे, प्रा. सप्रे, प्रा. कोणापुरे, प्रा. पवार तसेच लिपिक मोरे यांच्यासह सर्व शिक्षकवृंदांचा विद्यार्थ्यांच्या हस्ते गौरव करण्यात आला.
या प्रसंगी विद्यार्थ्यांनी शिक्षकांविषयी कृतज्ञता व्यक्त करत त्यांच्या मार्गदर्शनामुळेच आपले भविष्य उज्ज्वल होत असल्याची भावना व्यक्त केली. कार्यक्रमात मोठ्या संख्येने विद्यार्थी उपस्थित होते. बालाजी भुटणारे व धम्मोदय वाघमारे यांनी कविता सादर करून कार्यक्रमाची शोभा वाढवली. कार्यक्रमाच्या यशस्वीतेसाठी लक्ष्मी जाधव, मनिषा मोरे, कविता यादव व करण समेटवार यांनी विशेष परिश्रम घेतले. शेवटी करण समेटवार यांनी उपस्थितांचे आभार मानले. संपूर्ण कार्यक्रम आनंददायी व उत्साहपूर्ण वातावरणात पार पडला.
