ज्येष्ठ पत्रकार नंदकुमार कुरूमकर यांना मातृषोक; सुशिलाबाई (ताई) कुरुमकर यांचे निधन

श्रीगोंदा (प्रतिनिधी)
श्रीगोंदा तालुक्यातील लिंपणगाव येथील आदर्श माता कै. सुशिलाबाई (ताई) नारायणराव कुरुमकर पाटील (वय 93) यांचे नुकतेच वृद्धापकाळाने निधन झाले.

सुशिलाबाई कुरुमकर यांनी आपल्या आयुष्यात साधेपणा, कष्टाळूपणा आणि कुटुंबप्रेम यांचे उत्तम उदाहरण घालून दिले. त्यांच्या निधनाने लिंपणगाव परिसरात हळहळ व्यक्त होत आहे.

त्यांच्या पश्चात चार मुले, एक मुलगी, सुना, नातवंडे असा मोठा परिवार आहे. त्या ज्येष्ठ पत्रकार नंदकुमार कुरुमकर यांच्यासह सुभाषराव कुरुमकर, सुदामराव कुरुमकर, राजेंद्र कुरुमकर यांच्या मातोश्री होत.

परिसरातील नागरिक, नातेवाईक व विविध क्षेत्रातील मान्यवरांनी त्यांच्या निधनाबद्दल शोक व्यक्त केला असून, कुरुमकर कुटुंबियांवर दुःखाचा डोंगर कोसळला आहे.