(प्रतिनिधी)
दुघाळा येथे उभारण्यात येत असलेल्या लिगो इंडिया प्रकल्पाच्या नागरी (सिव्हिल) व निर्वात पायाभूत सुविधा कामांचे भूमिपूजन परमाणु ऊर्जा आयोगाचे अध्यक्ष डॉ. अजित कुमार मोहंती यांच्या हस्ते गुरुवार (दि. २३) रोजी करण्यात आले. यावेळी ते प्रमुख अतिथी म्हणून बोलत होते.
या प्रसंगी प्रकल्पाच्या साईट ऑफिस इमारतीचे उद्घाटनही मान्यवरांच्या हस्ते करण्यात आले. कार्यक्रमाला जिल्हाधिकारी राहुल गुप्ता, जिल्हा पोलीस अधीक्षक डॉ. निलाभ रोहन, डीसीएसईएमचे संचालक के. महापात्रा, आरआरसीएटीचे संचालक व्ही. पी. भनागे, आयपीआरचे संचालक डॉ. तपस गांगुली तसेच आययूकेए, पुणेचे संचालक आर. श्रीआनंद यांच्यासह विविध संस्थांचे वरिष्ठ अधिकारी उपस्थित होते.
यावेळी परिसरातील विशेष ओळख असलेल्या ‘यलो गोल्ड’ हळदीचे बॉक्स प्रमुख अतिथींना भेट म्हणून देण्यात आले.
