दरेगाव (प्रतिनिधी) – येथील शेतकरी शिवाजी गोविंदा काळे यांच्या शेतातील सोलर यंत्रणा शॉर्टसर्किटमुळे जळून खाक झाल्याची घटना घडली आहे. या आगीत अंदाजे ७० हजार रुपयांचे नुकसान झाले आहे.
मिळालेल्या माहितीनुसार, गट नंबर ४२४ मधील विहिरीवर बसवलेली सोलर पॅनल यंत्रणा अचानक शॉर्टसर्किटमुळे पेट घेतली. या आगीत सोलर पॅनलसह विहिरीवरील पाईप मोटरही जळून पूर्णतः नुकसानग्रस्त झाली.
या घटनेमुळे शेतकरी शिवाजी काळे यांचे मोठे आर्थिक नुकसान झाले असून शेतीच्या कामांवरही त्याचा परिणाम होण्याची शक्यता आहे. संबंधित सोलर कंपनीने या नुकसानीची दखल घेऊन नवीन सोलर यंत्रणा बसवून द्यावी किंवा नुकसानभरपाई द्यावी, अशी मागणी शेतकऱ्याने केली आहे.
