महाबळेश्वर (प्रतिनिधी)
महाबळेश्वर तालुक्यातील मौजे गोरोशी येथे ग्रामदैवत जन्नी कुंभाळज देवीच्या मूर्तीची भव्य मिरवणूक उत्साहात पार पडली. दिनांक २ मे २०२६ रोजी या धार्मिक सोहळ्याचे आयोजन करण्यात आले होते.
तीर्थक्षेत्र श्री क्षेत्र महाबळेश्वर येथून देवीच्या कुंभार मातीच्या मूर्तीची मिरवणूक मोठ्या भक्तिभावात काढण्यात आली. पारंपरिक वाद्यांच्या गजरात आणि जयघोषात निघालेली ही मिरवणूक गावोगावी फिरत गोरोशी येथे पोहोचली. या वेळी भाविकांनी मोठ्या संख्येने उपस्थित राहून देवीचे दर्शन घेतले.
मिरवणुकीनंतर देवीच्या मूर्तीची प्राणप्रतिष्ठा धार्मिक विधीपूर्वक पार पडणार आहे. या सोहळ्यास परमपूज्य १०८ श्री ज्ञानभास्कर महादेव शिवाचार्य महाराज (बोंड आळी मठ संस्थान) यांच्या प्रमुख उपस्थितीत मंत्रोच्चार, पूजा-अर्चा आणि विविध धार्मिक विधी आयोजित करण्यात आले आहेत.
या भव्य धार्मिक कार्यक्रमासाठी परिसरातील भाविकांची मोठ्या प्रमाणात उपस्थिती लाभली असून संपूर्ण गावात भक्तिमय वातावरण निर्माण झाले आहे. आयोजकांनी कार्यक्रम यशस्वी करण्यासाठी विशेष परिश्रम घेतले आहेत.
