दर्यापूर | प्रतिनिधी
महाराष्ट्र प्रदेश काँग्रेस कमिटीच्या दर्यापूर तालुका सोशल मीडिया प्रमुखपदी जगदीश कांबे यांची नियुक्ती करण्यात आली आहे. त्यांच्या निवडीबद्दल विविध स्तरातून अभिनंदन होत असून, पुढील कार्यकाळासाठी शुभेच्छांचा वर्षाव केला जात आहे.
जगदीश कांबे यांनी यापूर्वीही ही जबाबदारी प्रभावीपणे पार पाडली असून, त्यांच्या कार्यकाळात सोशल मीडियाच्या माध्यमातून संघटनात्मक कामाला चांगली चालना मिळाली होती. त्यांच्या अनुभवाचा आणि नेतृत्वगुणांचा आगामी काळातही संघटनेला निश्चितच फायदा होईल, असा विश्वास कार्यकर्त्यांकडून व्यक्त केला जात आहे.
या नियुक्तीमुळे कार्यकर्त्यांमध्ये नवचैतन्य निर्माण झाले असून, संघटनात्मक काम अधिक गतिमान होईल, अशी अपेक्षा व्यक्त करण्यात येत आहे.
