शनिमांडळ (प्रतिनिधी) : १ मे महाराष्ट्र दिन व कामगार दिनानिमित्त वीर भगतसिंग अभ्यासिका व शनि बजरंग सेवाभावी संस्था, शनिमांडळ यांच्या संयुक्त विद्यमाने विद्यार्थ्यांसाठी भव्य सामान्य ज्ञान परीक्षेचे आयोजन करण्यात आले.
या परीक्षेत परिसरातील इयत्ता पाचवी ते दहावीच्या विद्यार्थी-विद्यार्थिनींनी उत्स्फूर्त सहभाग नोंदवला. विद्यार्थ्यांमध्ये सामान्य ज्ञानाची आवड निर्माण व्हावी, स्पर्धा परीक्षांची तयारी लहानपणापासून सुरू व्हावी तसेच शिक्षणाबद्दल सकारात्मक दृष्टिकोन विकसित व्हावा, या उद्देशाने या उपक्रमाचे आयोजन करण्यात आले होते.
या उपक्रमामुळे विद्यार्थ्यांमध्ये अभ्यासाबद्दल उत्साह निर्माण झाला असून त्यांच्या बौद्धिक विकासास चालना मिळाल्याचे दिसून आले.
कार्यक्रमाच्या यशस्वी आयोजनासाठी वीर भगतसिंग अभ्यासिकेचे पदाधिकारी रामेश्वर पाटील, हितेश माळी, चंद्रकांत मोरे, अमर माळी, दीपक माळी, महेश माळी, मयूर पवार, विशाल पाटील यांनी विशेष परिश्रम घेतले.
यावेळी शनि बजरंग सेवाभावी संस्थेचे अध्यक्ष श्री. चेतन निकुंभे सर म्हणाले, “विद्यार्थ्यांचा सर्वांगीण विकास व्हावा व त्यांच्यामध्ये स्पर्धात्मक वृत्ती निर्माण व्हावी यासाठी भविष्यातही अशा विविध शैक्षणिक उपक्रमांचे आयोजन करण्यात येणार आहे.”
