आजरा (प्रतिनिधी) : उच्च माध्यमिक शालांत परीक्षा (बारावी) मंडळाच्या परीक्षेत आजरा महाविद्यालयाने यशाची परंपरा कायम राखली असून दर्डेवाडी येथील विद्यार्थिनी धनश्री दिगंबर केरकर हिने ८६ टक्के गुण मिळवत महाविद्यालयात प्रथम क्रमांक पटकावला आहे. विशेष म्हणजे तिने आजरा केंद्रातही द्वितीय क्रमांक मिळवत उल्लेखनीय यश संपादन केले.
याच व्यावसायिक विभागातील सानिका सुतार हिने ८५.५० टक्के गुणांसह महाविद्यालयात द्वितीय, तर आजरा केंद्रात तृतीय क्रमांक मिळवला आहे. महाविद्यालयातील विविध शाखांचा निकाल समाधानकारक लागला असून गुणवंत विद्यार्थ्यांचे सर्वत्र कौतुक होत आहे.
विभागनिहाय निकाल व गुणवंत विद्यार्थी पुढीलप्रमाणे :
१. व्यावसायिक विभाग (बँकिंग – निकाल १००%)
प्रथम – धनश्री केरकर (८६%)
द्वितीय – सानिका सुतार (८५.५०%)
तृतीय – महेश्वरी दोरुगडे (८१.१७%)
२. इलेक्ट्रिकल अभ्यासक्रम (निकाल १००%)
प्रथम – अनिकेत कांबळे (७१.३३%)
द्वितीय – विघ्नेश मराठे (७१%)
तृतीय – प्रणव कांबळे
३. विज्ञान शाखा (निकाल ९८.२३%)
प्रथम – राखी नवार (८३.५०%)
द्वितीय – भक्ती परुळेकर (८२.६७%)
तृतीय – आदिती गावडे (८०.६७%)
४. वाणिज्य शाखा (निकाल ७५.२०%)
प्रथम – विपुल इंगळे (८०.८३%)
द्वितीय – साक्षी रेडेकर (७८.५०%)
तृतीय – सुशील बोलके (७८.३३%)
५. कला शाखा (निकाल ८०.८५%)
प्रथम – वंदना कस्तुरे (७०.६७%)
द्वितीय – सिद्धीका शिखलगार (६६.१७%)
तृतीय – माधुरी कांबळे (६४.८३%)
आजरा महाविद्यालयाच्या या उल्लेखनीय यशाबद्दल व्यवस्थापन समिती, प्राचार्य, शिक्षक व कर्मचाऱ्यांनी सर्व गुणवंत विद्यार्थ्यांचे अभिनंदन केले आहे. ग्रामीण भागातील विद्यार्थ्यांनी प्रतिकूल परिस्थितीवर मात करत मिळवलेल्या या यशामुळे दर्डेवाडीसह संपूर्ण आजरा परिसरात आनंदाचे वातावरण निर्माण झाले आहे.
