बिलोली : कुंडलवाडी नगर परिषदेच्या सार्वत्रिक निवडणुकीत नागरिकांना दिलेल्या आश्वासनांची पूर्तता करत नगराध्यक्षा सौ. प्रेरणाताई गजानन कोटलावार यांच्या हस्ते शहरातील विविध विकास कामांचे भूमिपूजन करण्यात आले. या कामांमुळे नागरिकांमध्ये समाधानाचे वातावरण निर्माण झाले आहे.
शहरातील नागरिकांची अनेक वर्षांपासून मनोरंजनासाठी गार्डन उभारण्याची मागणी होती. त्यानुसार लेआउट क्रमांक ३०८/१ येथे ‘नमो उद्यान’ योजनेअंतर्गत सुमारे ८१ लाख रुपयांच्या कामाचे भूमिपूजन करण्यात आले. तसेच मुख्य बाजारपेठेत नाली व रस्ता बांधकामासाठी ६४ लाख रुपयांच्या कामालाही सुरुवात करण्यात आली.
याशिवाय, हेडगेवार चौक येथे कै. के. रामलू कोटलावार यांच्या स्मरणार्थ पाणपोईचे उद्घाटन करण्यात आले.
या कार्यक्रमाला उपाध्यक्षा नेहाताई शैलेश ऱ्याकावार, नगरसेवक प्रकाश पाटील अर्जुने, राजेश्वर उत्तरवार, गटनेते रमेश इरलावार, गंगाधर कोटलावार, शेख मुखत्यार, डॉ. प्रशांत सब्बनवार, साईनाथ भातनाते, संजय भास्कर, मारोती कोटलावार, प्रदीप खेळगे, संजय गोनेलवार, नगरसेविका नेहा गट्टूवार, सोनी सब्बनवार, अर्चना पोतनकर तसेच अन्य कार्यकर्ते मोठ्या संख्येने उपस्थित होते.
या विकासकामांमुळे कुंडलवाडी शहराच्या सौंदर्यात भर पडणार असून नागरिकांना अधिक सुविधा उपलब्ध होणार आहेत.
