येवला (प्रतिनिधी) : येवला तालुक्यातील गवंडगाव ग्रामपंचायतीच्या सरपंचपदी सौ. सुप्रभात सुदाम गायकवाड यांची बिनविरोध निवड करण्यात आली आहे. या निवडीमुळे गावात समाधानाचे वातावरण निर्माण झाले आहे.
ग्रामपंचायतीत रोटेशन पद्धतीनुसार सरपंच पदाचे नियोजन करण्यात आले होते. यानुसार विद्यमान सरपंच सौ. भारती उत्तम भागवत यांनी पदाचा राजीनामा दिल्यानंतर रिक्त झालेल्या जागेवर ही निवड प्रक्रिया पार पडली. यावेळी माजी सरपंच व उपसरपंच राहिलेले श्री. सुदाम लक्ष्मण गायकवाड यांच्या पत्नी सौ. सुप्रभात गायकवाड यांची सर्वानुमते बिनविरोध निवड करण्यात आली.
या प्रसंगी उपसरपंच अशोक बाबुराव गायकवाड, सदस्य सुदाम लक्ष्मण गायकवाड, सतीश गंगाधर भागवत, दिशा संदीप भागवत, भारती उत्तम भागवत, संदीप भागवत, नितीन दत्तात्रय भागवत, ताराचंद भागवत, पाटील त्यात्या, भाऊसाहेब काकड, डॉ. सुधाकर भागवत, निवृत्ती भागवत, चांगदेव भागवत, अरुण भागवत, अमोल उगले तसेच ग्रामसेवक उपस्थित होते.
निवडीनंतर उपस्थित मान्यवरांनी सौ. सुप्रभात गायकवाड यांचे अभिनंदन करून त्यांच्या पुढील कार्यकाळासाठी शुभेच्छा दिल्या.
