शिर्डी
दि. ५ एप्रिल २०२६ रोजी दुपारी १२:३० वाजता शिर्डी येथील शुभारंभ लॉन्स व मंगल कार्यालय येथे युवा क्रांती फाउंडेशनच्या चौथ्या वर्धापन दिनानिमित्त भव्य नियोजन बैठकीचे आयोजन करण्यात आले होते. या बैठकीस राष्ट्रीय अध्यक्ष तथा संस्थापक मा. रवींद्र सूर्यवंशी यांच्या प्रमुख उपस्थितीत उत्साहपूर्ण वातावरणात सुरुवात झाली.
अन्याय, अत्याचार आणि भ्रष्टाचाराविरोधात लढणारे हक्काचे व्यासपीठ म्हणून ओळख असलेल्या युवा क्रांती फाउंडेशन अंतर्गत पोलीस मित्र, ग्राहक संरक्षण, पत्रकार संरक्षण व माहिती अधिकार संघटना यांच्या संयुक्त विद्यमाने २१ मे २०२६ रोजी वर्धापन दिन मोठ्या उत्साहात साजरा करण्यात येणार असल्याची माहिती यावेळी देण्यात आली.
महाराष्ट्र, उत्तर महाराष्ट्र तसेच गुजरात राज्यातून मोठ्या संख्येने पदाधिकारी, सदस्य व समाजसेवक उपस्थित राहणार असल्याने कार्यक्रमाचे नियोजन, पाहुण्यांची व्यवस्था व विविध जबाबदाऱ्यांबाबत सविस्तर चर्चा करण्यात आली. तसेच समाजसेवा, संघटन वाढ व उत्कृष्ट सदस्य जोडणी करणाऱ्या पदाधिकाऱ्यांना “महाराष्ट्र भूषण पुरस्कार” देऊन गौरविण्यात येणार असल्याची घोषणा करण्यात आली.
उपस्थित मान्यवर
- मा. रवींद्र सूर्यवंशी – राष्ट्रीय अध्यक्ष तथा संस्थापक
- ह.भ.प. अवचीतानंद महाराज – महाराष्ट्र प्रदेश अध्यक्ष व प्रभारी अधिकारी
- भाग्यराम गुजर – अहिल्यानगर जिल्हाध्यक्ष
- श्री भागवत झाल्टे – महाराष्ट्र प्रदेश युवा मीडिया प्रमुख
- पोपटराव कुऱ्हाडे – उत्तर महाराष्ट्र उपाध्यक्ष
- सय्यद भाई शेख – नाशिक जिल्हाध्यक्ष
- भावराव आरोटे – नाशिक जिल्हा मार्गदर्शक
- काशिनाथ गिरी – अहिल्यानगर जिल्हा मार्गदर्शक
- एकनाथ जाधव – अहिल्यानगर जिल्हा उपाध्यक्ष
- रतन रहाणे – इगतपुरी तालुकाध्यक्ष
- जयाताई पवार, सलीम शेख, लिंबा चव्हाण, प्रकाश वाघ आदी मान्यवर
बैठकीदरम्यान संघटनेच्या आगामी सामाजिक उपक्रमांवर चर्चा करण्यात आली. तसेच युवकांनी सामाजिक कार्यात सक्रिय सहभाग घ्यावा, असे आवाहन मान्यवरांनी केले.
