जळकोट (प्रतिनिधी) – जळकोट तालुक्यातील डोगराळ भागातील सुललाळी येथील युवक कपील भारत होनराव यांनी आपल्या जिद्द, मेहनत आणि चिकाटीच्या जोरावर फिल्मसिटीत उल्लेखनीय स्थान निर्माण केले आहे.
विशेष म्हणजे, कपील होनराव यांनी रितेश देशमुख दिग्दर्शित ‘राजा शिवाजी’ या चित्रपटात ‘येसाजी कंक’ ही महत्त्वपूर्ण भूमिका साकारली आहे. या भूमिकेमुळे त्यांच्या अभिनयाला नवे व्यासपीठ मिळाले असून त्यांच्या कामगिरीचे सर्वत्र कौतुक होत आहे.
ग्रामीण भागातून येऊन फिल्म इंडस्ट्रीत स्वतःचे स्थान निर्माण करणे हे मोठे आव्हान असताना, कपील यांनी ते यशस्वीरीत्या पार केले आहे. त्यांच्या या यशस्वी प्रवासामुळे जळकोट तालुक्यात अभिमानाची भावना निर्माण झाली आहे.
कपील होनराव यांच्या या यशाबद्दल ‘सारथी महाराष्ट्राचा’ प्रतिनिधींकडून त्यांचे मनःपूर्वक अभिनंदन करण्यात येत आहे.
