दर्यापूर प्रतिनिधी :
दि. १२/०५/२०२६
अमरावती जिल्ह्यातील पूर्वा दिपक मेश्राम हिने डॉ. होमी भाभा बालवैज्ञानिक स्पर्धेत (HBBVC) सुवर्णपदक पटकावून जिल्ह्याच्या शिरपेचात मानाचा तुरा रोवला आहे. मुंबई येथे आयोजित समारंभात तिचा विशेष सत्कार करण्यात आला.
मुंबई सायन्स टीचर्स असोसिएशन (MSTA) मार्फत आयोजित करण्यात येणारी ही प्रतिष्ठित स्पर्धा विद्यार्थ्यांच्या वैज्ञानिक दृष्टिकोनाला चालना देणारी मानली जाते. या स्पर्धेमध्ये लेखी परीक्षा, प्रात्यक्षिक चाचणी, प्रकल्प सादरीकरण आणि मुलाखत असे चार टप्पे असतात.
पूर्वा मेश्राम हिने या सर्व टप्प्यांमध्ये उल्लेखनीय कामगिरी करत सुवर्णपदक मिळवले. अमरावती जिल्ह्यातून प्रथम येण्याचा मान मिळवल्याने तिचे सर्व स्तरातून कौतुक होत आहे.
या यशामुळे पूर्वाची वैज्ञानिक क्षेत्रातील वाटचाल अधिक उज्ज्वल होणार असल्याची भावना व्यक्त होत असून, तिच्या या कामगिरीबद्दल शिक्षक, पालक आणि नागरिकांकडून अभिनंदनाचा वर्षाव होत आहे.
