वाघोली गावच्या हद्दीत डॉ. दत्तात्रय भोईटे यांच्या शेतातील विहिरीमध्ये बिबट्या पडल्याची घटना उघडकीस आली आहे. ही बाब स्थानिक नागरिकांच्या निदर्शनास आल्यानंतर त्यांनी तात्काळ वन विभागाला माहिती दिली.
घटनेची माहिती मिळताच वन विभागाचे पथक घटनास्थळी दाखल झाले असून बिबट्याला सुरक्षित बाहेर काढण्यासाठी बचावकार्य सुरू करण्यात आले आहे. परिसरात नागरिकांची मोठी गर्दी होत असून कोणतीही अनुचित घटना टाळण्यासाठी खबरदारी घेतली जात आहे.
दरम्यान, वन विभागाकडून नागरिकांना सतर्क राहण्याचे आवाहन करण्यात आले असून घटनास्थळी अनावश्यक गर्दी न करण्यास सांगितले आहे.
