बेल्हे : प्रतिनिधी
समर्थ रुरल एज्युकेशनल इन्स्टिट्यूट संचलित समर्थ औद्योगिक प्रशिक्षण संस्था (आयटीआय), बेल्हे येथील विद्यार्थ्यांनी पुन्हा एकदा आपली गुणवत्ता सिद्ध करत मल्टिनॅशनल कंपनीत निवड मिळवली आहे. संस्थेतील विद्यार्थ्यांना सातत्याने नामांकित कंपन्यांमध्ये रोजगाराच्या संधी उपलब्ध होत असल्याचे चित्र आहे.
तईकिशा इंजिनियरिंग इंडिया प्रा. लि. (बहुराष्ट्रीय कंपनी), कोंढापुरी, रांजणगाव, पुणे यांच्या वतीने कॅम्पस इंटरव्ह्यूचे आयोजन करण्यात आले होते. यावेळी कंपनीचे डेप्युटी मॅनेजर (एचआर व अॅडमिन) रविंद्र करवंदे, प्रॉडक्शन इंजिनियर अमर गोडसे आणि वेल्डिंग समन्वयक उमाकांत मालपे उपस्थित होते.
या कॅम्पस मुलाखतीत विविध ट्रेडमधील विद्यार्थ्यांची निवड करण्यात आली.
वेल्डर ट्रेडमधून प्रतीक बढे, रोहन रोकडे, सोहम भोर आणि इम्रान इनामदार यांची निवड झाली.
फिटर ट्रेडमधून नाविन्य नरवडे आणि ऋषी कोरडे यांची निवड झाली.
कोपा (कॉम्प्युटर ऑपरेटर अँड प्रोग्रामिंग असिस्टंट) ट्रेडमधून आनंद खुपटे यांची निवड करण्यात आली.
ड्राफ्ट्समन मेकॅनिकल ट्रेडमधून साक्षी काटे, किरण जाधव आणि दिपक गागरे यांची निवड झाली.
इलेक्ट्रॉनिक्स ट्रेडमधून रुतिक डेरे तसेच इलेक्ट्रिशियन ट्रेडमधून आयुष जाधव यांची निवड झाली.
विद्यार्थ्यांच्या या यशाबद्दल संस्थेचे अध्यक्ष वसंतराव शेळके, उपाध्यक्ष माऊलीशेठ शेळके, सचिव विवेक शेळके, विश्वस्त वल्लभ शेळके, माजी जिल्हा परिषद सदस्या स्नेहलताई शेळके, कॅम्पस डायरेक्टर प्रा. राजीव सावंत, प्राचार्य पांडुरंग हाडवळे, उपप्राचार्य विष्णू मापारी आणि प्रशासकीय अधिकारी प्रा. प्रदीप गाडेकर यांनी अभिनंदन करत पुढील वाटचालीस शुभेच्छा दिल्या.
कार्यक्रमासाठी विलास सोनवणे, विकास कणसे आणि निकेश औटी यांनी विशेष परिश्रम घेतले.
