सोलापूर | प्रतिनिधी :
भारतातील युवा वर्गाबाबत कथित आक्षेपार्ह वक्तव्य करणारे खासदार संजय राऊत यांच्या विरोधात अकलूज येथील कर्मवीर चौकात युवासेनेच्या वतीने तीव्र निषेध आंदोलन करण्यात आले. विधानसभा संपर्कप्रमुख विजय भाऊ कोकणे यांच्या नेतृत्वाखाली हे आंदोलन पार पडले.
“आजचा युवा हा मंदबुद्धी व भरकटलेला आहे,” या वक्तव्यावरून संतप्त झालेल्या युवासैनिकांनी जोरदार घोषणाबाजी करत निषेध व्यक्त केला. आंदोलनादरम्यान युवकांच्या योगदानाची आठवण करून देत विविध मान्यवरांनी भाष्य केले.
यावेळी विजय भाऊ कोकणे म्हणाले की, “देशाचा युवा हा राष्ट्रभक्त, संघर्षशील आणि कर्तृत्ववान आहे. छत्रपती शिवाजी महाराजांच्या मावळ्यांनी तरुण वयात स्वराज्य निर्माण केले. शहीद भगतसिंग, सुखदेव आणि राजगुरू यांनीही देशासाठी बलिदान दिले. आज सीमेवर देशरक्षण करणारा जवान देखील युवकच आहे. अशा युवकांचा अपमान करणे अत्यंत निषेधार्ह आहे.”
आंदोलनाचा शेवट संजय राऊत यांच्या पोस्टरला जोडे मारून तसेच पोस्टर जाळून करण्यात आला.
या आंदोलनात जेष्ठ समाजसेवक केशव मामा लोखंडे, सामाजिक कार्यकर्ते आकाश होनमाने, भारत जगताप, राहुल भोसले, अक्षय कदम, आदित्य नीचळ, कृष्णा नीचळ, शंभू गिरी, जय नीचळ, स्वप्नील नीचळ, प्रेम बंडगर, सिद्धार्थ रणपिसे, अण्णा नीचळ, अनिकेत नीचळ, सिद्धार्थ गवळी, फरदीन शेख, आर्यन काकडे, प्रशांत गाडे, भैया गाडे, राहुल गवळी, सौरभ लोंढे, प्रेम ससाने, प्रवीण नीचळ, समीर लोखंडे, जय वाघे, पृथ्वीराज मस्के, ओंकार माने, सिद्धांत गवळी, समाधान गवळी, राज काकडे, रितेश गायकवाड, आर्यन गोरे आदींसह मोठ्या संख्येने युवासैनिक उपस्थित होते.
