अमरावती : प्रतिनिधी
एस.एस.सी. परीक्षेत ९१ टक्के गुण मिळवून यश संपादन करणाऱ्या आदर्श विद्यार्थी चि. श्रीजीत अनिल वानरे यांचा कै. मैनाबाई बाबारावजी बुंदेले स्मृती प्रतिष्ठान, अमरावती यांच्या वतीने सत्कार करण्यात आला.
या सत्कार समारंभात सन्मानपत्र, रोख रक्कम तसेच प्रा. अरुण बुंदेले लिखित “आदर्श अभ्यासाचे तंत्र” हे पुस्तक भेट देण्यात आले. हा कार्यक्रम अमरावती येथील सत्यकृपा कॉलनीतील अद्विक अपार्टमेंट येथे पार पडला.
यावेळी प्रतिष्ठानचे अध्यक्ष प्रा. अरुण बाबारावजी बुंदेले, डॉ. बाबासाहेब आंबेडकर बहुउद्देशीय उत्कर्ष प्रतिष्ठान, अकोलाचे अध्यक्ष प्रा. मुकुंद भारसाकळे, माजी प्राचार्य गजानन वानरे, माजी प्राचार्य गणेश बोरकर तसेच सामाजिक कार्यकर्ते तुषार खंडेराव उपस्थित होते.
चि. श्रीजीत उपस्थित नसल्यामुळे त्याच्या वतीने त्याचे वडील अनिल लक्ष्मणराव वानरे आणि आई सौ. सारिका अनिल वानरे यांनी सत्कार स्वीकारला.
यावेळी उपस्थित मान्यवरांनी श्रीजीतचे अभिनंदन करून त्याला पुढील शैक्षणिक वाटचालीसाठी शुभेच्छा दिल्या. तसेच मुलांच्या यशामागे आई-वडिलांचे संस्कार, मार्गदर्शन आणि परिश्रम यांचे महत्त्व अधोरेखित करत अनिल वानरे व सौ. सारिका वानरे यांचेही विशेष कौतुक करण्यात आले.
दरम्यान, त्यांची कन्या कु. गौरी अनिल वानरे यांनी नॅशनल इन्स्टिट्यूट ऑफ टेक्नॉलॉजी, वारंगल येथून इलेक्ट्रिकल अँड इलेक्ट्रॉनिक्स अभियांत्रिकीचे शिक्षण पूर्ण करून सध्या Microsoft, हैदराबाद येथे सॉफ्टवेअर डेव्हलपर म्हणून कार्यरत असल्याची माहिती देण्यात आली.
चि. श्रीजीत वानरे यांनी आपल्या यशाचे श्रेय आई-वडील आणि गुरुजनांना दिले.
