अहेरी | प्रतिनिधी
नॅशनल स्कूल ऑफ ड्रामा तथा Indian Oil Corporation यांच्या सहकार्याने आदिवासी ग्रामीण साहित्य बहुउद्देशीय सांस्कृतिक शिक्षण मंडळ यांच्या संयुक्त विद्यमाने आयोजित ३० दिवसीय निशुल्क नाट्य प्रशिक्षण शिबिराचे उद्घाटन भगवंतराव हायस्कूल तथा कनिष्ठ महाविद्यालय येथे उत्साहात पार पडले.
हे प्रशिक्षण शिबिर दि. २० मे ते २० जून २०२६ या कालावधीत दररोज सकाळी ८ ते ११ या वेळेत निशुल्क आयोजित करण्यात आले आहे. शिबिरामध्ये विद्यार्थ्यांना अभिनय, संवाद कौशल्य, रंगमंच सादरीकरण तसेच नाट्यकलेचे विविध पैलू शिकविण्यात येणार आहेत.
कार्यक्रमाच्या अध्यक्षस्थानी अब्दुल जमीर हकीम हे होते, तर उद्घाटक म्हणून शाहीन अब्दुल जमीर हकीम उपस्थित होत्या.
यावेळी प्रमुख मार्गदर्शक म्हणून अखिलेश खन्ना यांनी विद्यार्थ्यांना मार्गदर्शन केले. कार्यक्रमाचे संयोजन खुशबू आणि राहुल पेंढारकर यांनी केले.
तसेच महाविद्यालयाचे प्राचार्य शाहिद शेख आणि राणी दुर्गावती हायस्कूल चे मुख्याध्यापक लोणबले यांचीही प्रमुख उपस्थिती होती.
कार्यक्रमाचे सूत्रसंचालन प्राजक्ता पेदापल्लीवार यांनी केले. प्रास्ताविक शाहिद शेख यांनी तर आभार प्रदर्शन सुहास मेश्राम यांनी केले.
