🚲 १०० सायकली, १०० स्वप्ने!

पालघरमधील गरजू विद्यार्थ्यांसाठी ‘द गिव्हिंग ट्री फाउंडेशन’चा अनोखा उपक्रम 💫

पालघर जिल्ह्यातील विक्रमगड आणि वाडा तालुक्यातील गरजू विद्यार्थ्यांचा शालेय प्रवास सुकर व्हावा यासाठी ‘द गिव्हिंग ट्री फाउंडेशन’ तर्फे सायकली आणि शालेय साहित्य वाटपाचा उपक्रम राबविण्यात येत आहे.

ग्रामीण भागातील अनेक विद्यार्थी दररोज तब्बल ८ ते ९ किलोमीटर पायी चालत शाळेत जातात. या खडतर प्रवासामुळे त्यांचा वेळ आणि ऊर्जा खर्ची पडते. विद्यार्थ्यांचे शिक्षण अधिक सुलभ व्हावे आणि त्यांच्या स्वप्नांना नवी दिशा मिळावी या उद्देशाने संस्थेने ‘१०० सायकली, १०० स्वप्ने’ ही विशेष मोहीम सुरू केली आहे.

या मोहिमेंतर्गत वसई-विरार तसेच आसपासच्या शहरांमधील वापरात नसलेल्या जुन्या सायकली दान करण्याचे आवाहन करण्यात आले आहे. जमा झालेल्या सायकलींची दुरुस्ती करून त्या गरजू विद्यार्थ्यांना वितरित करण्यात येणार आहेत. सायकल दान करण्याची अंतिम तारीख २१ जून आहे.

तसेच उपराळे विभाग हायस्कूल (विक्रमगड) आणि के. जी. पाटील विद्यालय देवघर (वाडा) येथील इयत्ता ८ वी ते १० वीच्या सुमारे ६५० विद्यार्थ्यांना शालेय साहित्याचे वाटप देखील करण्यात येणार आहे.

“एका छोट्याशा मदतीने एखाद्याचे संपूर्ण आयुष्य बदलू शकते,” असा संदेश देत संस्थेने नागरिकांना या सामाजिक उपक्रमात सहभागी होण्याचे आवाहन केले आहे.

📞 संपर्क : 9730898683 / 8390915717
– संस्थापक : विनय वरे

✍️ लिखाण संकलन : शरद दिवे