बार्शी टाकळी (अकोला)
अकोला जिल्ह्यातील बार्शी टाकळी येथून अत्यंत दुर्दैवी घटना समोर आली आहे. नवविवाहित दाम्पत्यावर काळाचा घाला पडत भीषण अपघातात पतीचा मृत्यू झाला असून पत्नी गंभीर जखमी झाली आहे.
मिळालेल्या माहितीनुसार, भरधाव वेगात असलेल्या चारचाकी वाहनाने मोटारसायकलला जोरदार धडक दिली. या अपघातात बार्शी टाकळी येथील रहिवासी समीर शाह यांचा खासगी रुग्णालयात उपचारादरम्यान मृत्यू झाला. तर त्यांची पत्नी उमेरा तबस्सुम उर्फ सानिया या गंभीर जखमी असून त्यांच्यावर उपचार सुरू आहेत.
या घटनेमुळे बार्शी टाकळी परिसरात हळहळ व्यक्त केली जात आहे. नवविवाहित जोडप्यावर ओढवलेल्या या दुर्घटनेने संपूर्ण परिसरात शोककळा पसरली आहे.
पोलिसांकडून या प्रकरणाचा पुढील तपास सुरू आहे.
