पुरंदर ::प्रतिनिधी
डॉ. विनायक गायकवाड
पुरंदर ::नारायणपूर-कापूरहोळ मार्गावर देवडी गावच्या जवळ झालेल्या दुचाकी अपघातात स्कूटरवर मागे बसलेल्या ५५ वर्षीय व्यक्तीचा मृत्यू झाला असून, अपघातास कारणीभूत ठरलेल्या बुलेटचालकाविरुद्ध सासवड पोलिस ठाण्यात गुन्हा दाखल करण्यात आला आहे.
धोंडिबा मालू हिरवे (रा. जांभळी, ता. वाई, जि. सातारा) हे गुरुवारी (दि. २१) रोजी दुपारी ४ बाजण्याच्या सुमारास स्कूटरवर मागे बसून नारायणपूरहून कापूरहोळकडे जात होते. त्या वेळी त्यांच्या दुचाकीच्या पाठीमागून भरधाव वेगाने आलेल्या मोटारसायकलने (एमएच १२ डब्ल्यूवाय ०००६) जोरदार धडक दिली. या धडकेत धोंडिबा हिरवे यांना डोक्याला गंभीर दुखापत झाली. तसेच शरीराच्या इतर भागांनाही गंभीर व किरकोळ जखमा झाल्या. उपचारादरम्यान त्यांचा मृत्यू झाला. अपघातानंतर संबंधित बुलेटचालकाने जखमींना मदत न करता
अथवा पोलिसांना माहिती न देता घटनास्थळावरून पलायन केल्याचा आरोप फिर्यादित करण्यात आला आहे.
या प्रकरणी शंकर धोंडिबा हिरवे
हिरवे दिली आहे. तेजस संतोष कन्हाडे (रा.
यांनी सासवड पोलिस ठाण्यात फिर्याद शेटेमळा, सासवड, ता. पुरंदर) याच्याविरुद्ध निष्काळजीपणे व भरधाव वेगाने वाहन चालवून अपघात घडवून मृत्यूस कारणीभूत ठरल्याप्रकरणी गुन्हा दाखल करण्यात आला आहे. या घटनेमुळे परिसरात हळहळ व्यक्त होत असून, नारायणपूर-कापूरहोळ मार्गावरील वाढत्या वेगवान वाहतुकीबाबत नागरिकांनी चिंता व्यक्त केली आहे. अपघातानंतर वाहनचालकांनी वेगमयदिचे पालन करावे, तसेच अपघातग्रस्तांना तातडीने मदत करण्याची सामाजिक जबाबदारी पार पाडावी, अशी मागणी स्थानिक नागरिकांकडून करण्यात येत आहे. सासवड पोलीस स्टेशन चे पोलीस निरीक्षक कुमार कदम साहेब यांच्या मार्गदर्शना खाली ट्राफिक हवालदार संतोष शिंदे या प्रकरणाचा पुढील तपास करीत आहेत.
