परळी | प्रतिनिधी
लोकनेते तथा माजी उपमुख्यमंत्री स्वर्गीय गोपीनाथ मुंडे यांच्या स्मृतिदिनानिमित्त नागापूर ग्रामपंचायतीच्या वतीने बुधवारी (दि. ३ जून २०२६) त्यांच्या प्रतिमेस अभिवादन करण्यात आले.
कार्यक्रमाची सुरुवात मान्यवरांच्या हस्ते प्रतिमापूजन व दीपप्रज्वलनाने करण्यात आली. यावेळी उपस्थित ग्रामस्थ, सामाजिक, राजकीय, शैक्षणिक, पत्रकारिता व विधी क्षेत्रातील मान्यवरांनी स्व. मुंडे साहेबांच्या प्रतिमेस पुष्पांजली अर्पण करून विनम्र अभिवादन केले.
यावेळी विविध मान्यवरांनी आपल्या मनोगतातून स्व. गोपीनाथराव मुंडे यांच्या संघर्षमय जीवनप्रवास, जनसामान्यांसाठी केलेले कार्य आणि त्यांच्या विचारांचा वारसा यावर प्रकाश टाकला. त्यांच्या कार्यातून प्रेरणा घेऊन समाजसेवेचा व विकासाचा मार्ग स्वीकारण्याचे आवाहनही करण्यात आले.
कार्यक्रमास नागापूर ग्रामपंचायतीच्या सरपंच मंगलताई रमेश तोंडारे, उपसरपंच संतोष भैय्या सोळंके, ग्रामसेवक शाम गंगाधरे, ग्रामपंचायत सदस्य विनायक अण्णा सोळंके, विकास बनसोडे, बब्रू तात्या सोळंके, दीपक सोळंके, सामाजिक कार्यकर्ते विठ्ठल तात्या मुसळे, झाशीची राणी लक्ष्मीबाई सामाजिक प्रतिष्ठानचे अध्यक्ष माणिकराव बनसोडे, आरोग्य मित्र महादेव सोळंके, नागापूर भीम जयंती अध्यक्ष बाबासाहेब महादेव बनसोडे, शिवाजी मुसळे, संतोष भुसे, प्रवीण सोळंके, विकास मुसळे, अशोक मुसळे, जगन्नाथ मुसळे, विष्णू मुसळे, वैजनाथ स्वामी आदींसह विविध क्षेत्रांतील मान्यवर मोठ्या संख्येने उपस्थित होते.
कार्यक्रमाबाबतची माहिती प्रसिद्धीपत्रकाद्वारे माणिक बनसोडे यांनी दिली.
