आजरा | प्रतिनिधी
आजरा येथील विद्यावर्धिनी पतसंस्थेच्या चेअरमनपदी सुनील सुतार यांची तर व्हाईस चेअरमनपदी पांडुरंग शिपूरकर यांची एकमताने बिनविरोध निवड करण्यात आली.
निवड प्रक्रियेवेळी आजरा तालुका उपनिबंधक कार्यालयाचे अधिकारी फडणीस साहेब उपस्थित होते. यावेळी संस्थापक सुभाष विभूते, संस्थापक चेअरमन बळवंत शिंदे, संचालक मंडळाचे सदस्य तसेच संस्थेचे कर्मचारी मोठ्या संख्येने उपस्थित होते.
नवनिर्वाचित चेअरमन व व्हाईस चेअरमन यांचा पुष्पगुच्छ देऊन सत्कार करण्यात आला. उपस्थितांनी दोघांचे अभिनंदन करून त्यांच्या भावी कार्यकाळासाठी शुभेच्छा दिल्या.
यावेळी बोलताना उपस्थित मान्यवरांनी विद्यावर्धिनी पतसंस्थेच्या सर्वांगीण प्रगतीसाठी तसेच सभासदांच्या हितासाठी नवनिर्वाचित पदाधिकारी प्रभावीपणे कार्य करतील, असा विश्वास व्यक्त केला.
नवीन नेतृत्वाखाली संस्थेची आर्थिक प्रगती, पारदर्शक कारभार आणि सभासदांना अधिक चांगल्या सुविधा उपलब्ध करून देण्यास प्राधान्य दिले जाईल, अशी अपेक्षाही व्यक्त करण्यात आली.
