दोडामार्ग | प्रतिनिधी
समाजातील गरजू व होतकरू विद्यार्थ्यांना शिक्षणासाठी प्रोत्साहन मिळावे या उद्देशाने समाज जागृती मंच, दोडामार्ग यांच्या वतीने शनिवार, दिनांक ६ जून २०२६ रोजी सकाळी ९.३० वाजता स्नेह रेसिडेन्सी हॉल, दोडामार्ग येथे शैक्षणिक साहित्य वाटप कार्यक्रमाचे आयोजन करण्यात आले आहे.
शिवराज्याभिषेक दिनाचे औचित्य साधून आयोजित करण्यात आलेल्या या कार्यक्रमात विद्यार्थ्यांना मोफत शैक्षणिक साहित्याचे वाटप करण्यात येणार आहे. यामध्ये छत्री, दप्तर, वह्या, कंपास पेटी आदी साहित्याचा समावेश आहे. शिक्षणाच्या माध्यमातून विद्यार्थ्यांना प्रोत्साहन देऊन त्यांचे शैक्षणिक भविष्य अधिक सक्षम करण्याचा या उपक्रमामागील मुख्य उद्देश असल्याचे आयोजकांनी सांगितले.
या कार्यक्रमासाठी आयु. महेश जाधव (घोटगे-भिमनगर, दोडामार्ग) यांचे विशेष सहकार्य लाभले आहे. विद्यार्थ्यांच्या शैक्षणिक प्रगतीसाठी समाजाने एकत्र येत केलेला हा उपक्रम कौतुकास्पद असल्याची भावना व्यक्त होत आहे.
कार्यक्रमास विद्यार्थी, पालक, शिक्षक तसेच परिसरातील नागरिकांनी मोठ्या संख्येने उपस्थित राहून कार्यक्रमाची शोभा वाढवावी, असे आवाहन समाज जागृती मंचच्या पदाधिकाऱ्यांनी केले आहे.
समाज जागृती मंचचे अध्यक्ष दिपक जाधव, उपाध्यक्ष गोविंद कदम, सचिव संतोष कदम, सहसचिव शंकर जाधव, खजिनदार महेश जाधव तसेच सर्व कार्यकारिणी सदस्य आणि सभासद कार्यक्रमाच्या यशस्वी आयोजनासाठी परिश्रम घेत आहेत.
शिक्षण हेच समाज परिवर्तनाचे प्रभावी साधन असून विद्यार्थ्यांना आवश्यक साहित्य उपलब्ध करून देण्याचा हा उपक्रम निश्चितच प्रेरणादायी ठरणार आहे.
