निमगावजाळी | प्रतिनिधी
श्रीरामपूर शहरातील अप्पर पोलीस अधीक्षक कार्यालयात कार्यरत असलेले अनिल शेंगाळे यांना नुकतीच पोलीस नाईक पदावरून हवालदारपदी पदोन्नती मिळाली आहे. त्यांच्या या पदोन्नतीमुळे पोलीस विभागात आनंदाचे वातावरण निर्माण झाले असून विविध स्तरांतून त्यांचे अभिनंदन करण्यात येत आहे.
यावेळी श्रीरामपूर विभागाचे अप्पर पोलीस अधीक्षक Somnath Wakchaure यांच्या हस्ते अनिल शेंगाळे यांचा सत्कार करण्यात आला. तसेच पीएसआय धुळे, पीएसआय राजू गोडगे यांच्यासह इतर अधिकारी व कर्मचाऱ्यांनी त्यांचे अभिनंदन करून पुढील कारकिर्दीसाठी शुभेच्छा दिल्या.
कर्तव्यनिष्ठा, प्रामाणिक सेवा आणि उत्कृष्ट कार्यपद्धतीच्या जोरावर अनिल शेंगाळे यांनी ही पदोन्नती मिळविल्याबद्दल सहकारी अधिकारी व कर्मचाऱ्यांनी समाधान व्यक्त केले. त्यांच्या पुढील सेवाकाळासाठी यशस्वी वाटचालीच्या शुभेच्छा यावेळी देण्यात आल्या.
