दोडामार्ग / प्रतिनिधी
बहुजन समाज पार्टी (बसपा) सिंधुदुर्ग जिल्हाध्यक्षपदी आदरणीय सुधाकर माणगांकर यांची नियुक्ती करण्यात आली आहे. मुंबई येथे आयोजित करण्यात आलेल्या राज्यस्तरीय बैठकीत बसपा प्रदेशाध्यक्ष ॲड. सुनील डोंगरे तसेच मुंबई-कोकण झोन प्रभारी राजपाल गवंडे यांनी त्यांच्या नियुक्तीची अधिकृत घोषणा केली.
सुधाकर माणगांकर यांच्या नियुक्तीमुळे सिंधुदुर्ग जिल्ह्यात पक्ष संघटन मजबूत होण्यास मदत होईल, असा विश्वास पक्षाच्या पदाधिकाऱ्यांनी व्यक्त केला आहे. सामाजिक व राजकीय क्षेत्रातील त्यांच्या कार्याची दखल घेऊन पक्षाने त्यांच्यावर ही महत्त्वाची जबाबदारी सोपविली आहे.
नियुक्तीनंतर पक्ष कार्यकर्ते व समर्थकांकडून त्यांच्यावर अभिनंदनाचा वर्षाव होत असून, आगामी काळात पक्षवाढीसाठी प्रभावी नेतृत्व करण्याच्या शुभेच्छा त्यांना देण्यात येत आहेत.
