रायगड | प्रतिनिधी
छत्रपती शिवाजी महाराजांच्या पावन भूमी असलेल्या महाड–रायगड येथे शिवराज्याभिषेक सोहळा दिन २०२६ निमित्त मोठ्या उत्साहात व जल्लोषात कार्यक्रम पार पडला. या निमित्ताने संपूर्ण रायगड जिल्हा पोलीस दलाकडून कडक बंदोबस्त व विशेष सुरक्षा व्यवस्था तैनात करण्यात आली होती.
पोलीस अधीक्षक यांच्या आदेशानुसार ४ जुलैपासूनच जिल्ह्यातील सर्व पोलीस यंत्रणा सज्ज करण्यात आली होती. या बंदोबस्तात पेण पोलीस ठाण्याचे पोलीस निरीक्षक श्री. संदीप बागुल यांनी कर्तव्यदक्ष अधिकारी म्हणून विशेष उपस्थिती दर्शवली.
कार्यक्रमस्थळी वाहतूक नियंत्रण, तपासणी नाके, दंगल नियंत्रण पथक तसेच आपत्कालीन व्यवस्थापन यंत्रणा अत्यंत काटेकोरपणे कार्यरत ठेवण्यात आली होती. बाहेरून येणाऱ्या शिवभक्तांच्या मोठ्या संख्येचा विचार करून गर्दी नियंत्रण, रांग व्यवस्था आणि सुरळीत दर्शनासाठी विशेष नियोजन करण्यात आले होते.
शिवभक्तांना शांतता व शिस्तीत दर्शन मिळावे यासाठी पोलीस निरीक्षक संदीप बागुल यांनी स्वतः उपस्थित राहून मार्गदर्शन केले. कोणताही अनुचित प्रकार घडू नये यासाठी संपूर्ण यंत्रणा सतर्क ठेवण्यात आली होती.
दोन दिवसांच्या या बंदोबस्तादरम्यान पेण पोलीस ठाण्याच्या टीमने अत्यंत शिस्तबद्ध व प्रभावीपणे आपले कर्तव्य पार पाडले. त्यामुळे शिवराज्याभिषेक सोहळा मोठ्या उत्साहात आणि शांततेत पार पडल्याचे प्रशासनाकडून सांगण्यात आले.
