जळकोट | प्रतिनिधी
जागृत महाराष्ट्र न्यूजच्या वर्धापन दिनानिमित्त देण्यात येणाऱ्या राज्यस्तरीय पुरस्कार २०२६ साठी जळकोट तालुक्यातील प्रख्यात वैद्यकीय क्षेत्रातील कार्यकर्ते डॉ. तानाजी चंदावार आणि आदर्श शिक्षक नरसिंग सोनटके यांची निवड करण्यात आली आहे.
आदर्श शिक्षक नरसिंग सोनटके यांनी विद्यार्थ्यांच्या गुणवत्तावाढीसोबतच संस्कारक्षम शिक्षण व सामाजिक बांधिलकी जपण्यासाठी उल्लेखनीय कार्य केले आहे. त्यांच्या कार्यामुळे त्यांची आदर्श शिक्षक म्हणून ओळख निर्माण झाली आहे.
तर डॉ. तानाजी चंदावार यांनी ग्रामीण भागातील नागरिकांना वेळेवर व दर्जेदार वैद्यकीय सेवा उपलब्ध करून देत आरोग्य क्षेत्रात महत्त्वपूर्ण योगदान दिले आहे. त्यांच्या कार्यामुळे ग्रामीण आरोग्य सेवेला मोठा दिलासा मिळत आहे.
या निवडीमुळे जळकोट तालुक्यात आनंदाचे वातावरण निर्माण झाले असून विविध स्तरातून त्यांचे अभिनंदन करण्यात येत आहे.
जागृत महाराष्ट्र न्यूजच्या वर्धापन दिनानिमित्त आयोजित विशेष सोहळ्यात या राज्यस्तरीय पुरस्कारांचे वितरण करण्यात येणार असल्याची माहिती आयोजकांनी दिली आहे.
