धाराशिव | प्रतिनिधी
आशाताई हंबीरे (वय 83) यांचे रविवार, दि. 07/06/2026 रोजी दुपारी 2.30 वाजता वृद्धापकाळाने निधन झाले. त्या दैनिक ‘संघर्ष’ चे संस्थापक संपादक व्यंकटेश हंबीरे यांच्या पत्नी होत्या.
त्यांचे पुत्र संपादक संतोष हंबीरे, रमण हंबीरे आणि अभय हंबीरे यांच्या त्या मातोश्री होत. हंबीरे कुटुंबीयांच्या कुटुंबप्रमुख म्हणून त्यांनी महत्त्वाची जबाबदारी पार पाडली होती.
धाराशिव शहरातील जुने प्रतिष्ठित व्यापारी पांडुरंग गोवर्धन यांच्या त्या ज्येष्ठ कन्या होत्या. त्यांच्या निधनामुळे हंबीरे कुटुंबासह परिसरात शोककळा पसरली आहे.
वृद्धापकाळाच्या आजारपणामुळे काही दिवसांपूर्वी त्यांना उपचारासाठी खासगी रुग्णालयात दाखल करण्यात आले होते. शनिवारी त्यांना डिस्चार्ज देण्यात आला, मात्र रविवारी दुपारी त्यांची प्राणज्योत मावळली.
त्यांच्या पश्चात नातू आदित्य व यश, तसेच दीर डॉ. गोपाल, मुरलीधर, पुतणे डॉ. श्रीनिवास, गिरीष यांच्यासह मोठा परिवार आहे.
त्यांच्यावर सोमवारी दि. 08/06/2026 रोजी सकाळी 11 वाजता कपिलधार स्मशानभूमीत अंत्यसंस्कार होणार आहेत.
