परभणी | प्रतिनिधी
मानवत शहरातील युवक शिवम लंगुळे यांची भारतीय सैन्य दलात निवड झाल्याबद्दल त्यांचा विशेष सत्कार करून गौरव करण्यात आला. यावेळी उपस्थित मान्यवरांनी पुष्पगुच्छ देऊन त्यांचे अभिनंदन केले तसेच देशसेवेच्या या गौरवशाली वाटचालीसाठी शुभेच्छा दिल्या.
शिवम लंगुळे यांनी जिद्द, चिकाटी आणि कठोर परिश्रमाच्या बळावर भारतीय सैन्य दलात स्थान मिळवून मानवत शहरासह संपूर्ण परिसराचा मान उंचावला आहे. त्यांच्या या यशामुळे परिसरातील युवकांमध्ये नवचैतन्य निर्माण झाले असून देशसेवेसाठी प्रेरणा मिळत असल्याची भावना उपस्थितांनी व्यक्त केली.
सत्कार कार्यक्रमात शिवम यांच्या उज्ज्वल भविष्यासाठी शुभेच्छा देण्यात आल्या. भारतीय सैन्य दलात निवड होणे ही अभिमानाची बाब असून युवकांनी त्यांच्या आदर्शातून प्रेरणा घेऊन शिक्षण, शिस्त आणि परिश्रमाच्या जोरावर आपले ध्येय साध्य करावे, असे मत मान्यवरांनी व्यक्त केले.
यावेळी आमदार राजेश दादा विटेकर, उपनगराध्यक्ष डॉ. अंकुश लाड, अनिलराव नखाते, राजकुमार खरात, ऑड. पांडे, गणेश उगले, लाड, चौधरी यांच्यासह नगरसेवक व नागरिक मोठ्या संख्येने उपस्थित होते. उपस्थितांनी शिवम लंगुळे यांचे अभिनंदन करून त्यांच्या पुढील यशस्वी कारकिर्दीसाठी शुभेच्छांचा वर्षाव केला.
