अकोला (प्रतिनिधी)
राज्य परिवहन मंत्री तथा अकोला-अमरावती जिल्हा संपर्क मंत्री मा. प्रतापराव सरनाईक यांचा लोकस्वातंत्र्य पत्रकार महासंघ व विदर्भ वैभव मंदिर न्यास, मुंबई यांच्या वतीने सन्मानपत्र, सन्मानचिन्ह, शाल व पुष्पगुच्छ देऊन सत्कार करण्यात आला.
बॅ. शेषराव वानखेडे, रा. सु. गवई आणि माजी राष्ट्रपती प्रतिभाताई पाटील यांच्यानंतर विदर्भ वैभव मंदिरच्या मुख्य विश्वस्तपदी सरनाईक यांची नियुक्ती झाल्याबद्दल हा सत्कार करण्यात आला.
या प्रसंगी लोकस्वातंत्र्य पत्रकार महासंघाचे संस्थापक अध्यक्ष संजय एम. देशमुख यांनी त्यांचे अभिनंदन केले. तर महासंघाचे जनरल सेक्रेटरी गजानन नागे यांनी दूरध्वनीद्वारे शुभेच्छा व्यक्त केल्या.
कार्यक्रमास प्रा. प्रकाश डवले, प्रदीप खाडे, राजेंद्र देशमुख, पुष्पराज गावंडे, संतोष धरमकर, संदीप देशमुख, अनिल मावळे, मनोहर मोहोड, अनिल भगत, दिलीप नवले, सागर लोडम, श्रीकृष्ण माळी, अमित इंगळे, दीपक शिरसाट, विकास जाधव यांच्यासह अनेक पत्रकार उपस्थित होते.
यावेळी संजय देशमुख यांनी अधिस्वीकृतीधारक पत्रकारांना एसटी बस प्रवास सवलत योजनेची प्रभावी अंमलबजावणी तसेच इतर प्रलंबित मागण्यांकडे लक्ष वेधले. यासंदर्भात पुढील चर्चेसाठी मुंबई येथे येण्याचे मंत्री सरनाईक यांनी सुचविले.
दरम्यान, अकोला येथे शिवसेनेच्या वतीने आयोजित जिल्हा पदाधिकारी व SIR प्रक्रिया मार्गदर्शन शिबिरात मंत्री प्रतापराव सरनाईक प्रमुख अतिथी म्हणून उपस्थित होते. यावेळी प्रा. प्रकाश डवले यांची विदर्भ प्रवक्ता म्हणून नियुक्ती करून त्यांना नियुक्तीपत्र प्रदान करण्यात आले.
या कार्यक्रमास डॉ. राजन साळवी, गोपिकिशन बाजोरिया, विठ्ठल सरप, संजना गवळी, नारायण गव्हाणकर, श्रीरंग पिंजरकर, चंद्रशेखर पांडे, अश्विन नवले, योगेश अग्रवाल, संजय देशमुख यांच्यासह अनेक मान्यवर उपस्थित होते. कार्यक्रमाला मोठ्या संख्येने शिवसेना कार्यकर्त्यांची उपस्थिती होती.
