सेलू (प्रतिनिधी)
सेलू पोलीस स्टेशनचे ठाणेदार देवेंद्र ठाकूर यांची बदली झाल्यानंतर त्यांच्या जागी सावंगी मेघे येथून आलेले पोलीस निरीक्षक पंकज वाघोडे यांनी सेलू पोलीस स्टेशनचा पदभार स्वीकारला आहे.
पदभार स्वीकारल्यानंतर सेलू पोलीस स्टेशनमधील अधिकारी व कर्मचाऱ्यांनी त्यांचे पुष्पगुच्छ देऊन स्वागत केले. तसेच सेलू तालुक्यातील समाजसेवक, सामाजिक कार्यकर्ते व विविध क्षेत्रातील मान्यवरांनीही त्यांचे अभिनंदन करून पुढील कार्यकाळासाठी शुभेच्छा दिल्या.
नवीन ठाणेदार म्हणून पदभार स्वीकारल्यानंतर पंकज वाघोडे यांनी कायदा व सुव्यवस्था अबाधित राखण्यासाठी तसेच नागरिकांच्या समस्या तत्परतेने सोडविण्यास प्राधान्य देणार असल्याचे सांगितले. त्यांच्या नियुक्तीमुळे सेलू तालुक्यातील नागरिकांमध्ये समाधान व्यक्त करण्यात येत आहे.
कार्यक्रमास उपस्थित मान्यवरांनी त्यांचे स्वागत करून पुढील वाटचालीसाठी शुभेच्छा दिल्या.
