जामखेड | प्रतिनिधी :
जामखेड तालुक्यातील बावी ग्रामपंचायतीची प्रभागनिहाय आरक्षण सोडत शुक्रवार, दि. १२ जून २०२६ रोजी ग्रामपंचायत कार्यालयात जाहीर करण्यात आली. यावेळी ग्रामस्थ, पदाधिकारी आणि संबंधित अधिकारी मोठ्या संख्येने उपस्थित होते.
जाहीर करण्यात आलेल्या आरक्षणानुसार प्रभागनिहाय जागांचे आरक्षण पुढीलप्रमाणे आहे :
प्रभाग क्रमांक १
- ना. मा. प्र. (व्यक्ती) – १
- सर्वसाधारण स्त्री – १
- एकूण सदस्य संख्या : २
प्रभाग क्रमांक २
- अनुसूचित जाती स्त्री – १
- सर्वसाधारण स्त्री – १
- सर्वसाधारण व्यक्ती – १
- एकूण सदस्य संख्या : ३
प्रभाग क्रमांक ३
- सर्वसाधारण स्त्री – १
- सर्वसाधारण व्यक्ती – १
- एकूण सदस्य संख्या : २
अशा प्रकारे ग्रामपंचायतीच्या एकूण ७ सदस्यांसाठी प्रभागनिहाय आरक्षण सोडत जाहीर करण्यात आली.
या कार्यक्रमाला विस्तार अधिकारी शंकरराव गायकवाड, सहाय्यक गटविकास अधिकारी अमित बोराटे तसेच ग्रामसेवक रफिक तांबोळी उपस्थित होते. त्यांच्या उपस्थितीबद्दल सरपंच महादेव कारंडे आणि उपसरपंच दादासाहेब मंडलिक यांच्या हस्ते त्यांचा सत्कार करण्यात आला.
यावेळी राम पवार, राहुल कवादे, योगेश पवार, वाल्मीक पवार, अनिल कारंडे, अशोक शिंदे, बबडू पवार, माजी सरपंच दादासाहेब पवार, माजी चेअरमन शरद पवार यांच्यासह अनेक ग्रामस्थ आणि कार्यकर्ते उपस्थित होते.
ग्रामपंचायत निवडणुकीच्या पार्श्वभूमीवर जाहीर झालेल्या या आरक्षण सोडतीमुळे गावातील राजकीय घडामोडींना वेग आला असून इच्छुक उमेदवारांमध्ये उत्सुकता वाढली आहे.
