सांगली | प्रतिनिधी
राज ठाकरे यांच्या वाढदिवसानिमित्त महाराष्ट्र नवनिर्माण सेना, सांगली शहराच्या वतीने भव्य मोफत आरोग्य शिबिराचे आयोजन करण्यात आले आहे. या शिबिरामध्ये नागरिकांची मोफत आरोग्य तपासणी तसेच गरजूंना शस्त्रक्रियेची सुविधा उपलब्ध करून देण्यात येणार आहे.
हे आरोग्य शिबिर रविवार, दि. १४ जून २०२६ रोजी सकाळी १० वाजता वखार भाग, सांगली येथे आयोजित करण्यात आले आहे.
शिबिराचे आयोजन मनसे सांगली शहर उपाध्यक्ष रोहित घुबडे यांनी केले असून, प्रमुख उपस्थिती म्हणून मनसेचे जिल्हाध्यक्ष तानाजीराव सावंत उपस्थित राहणार आहेत.
या शिबिराद्वारे सर्वसामान्य नागरिकांना आरोग्यविषयक सेवा मोफत उपलब्ध करून देण्याचा प्रयत्न करण्यात आला असून, परिसरातील नागरिकांनी या संधीचा लाभ घ्यावा, असे आवाहन आयोजकांच्या वतीने करण्यात आले आहे.
आरोग्यसेवा जनसामान्यांपर्यंत पोहोचविण्याच्या उद्देशाने आयोजित करण्यात आलेले हे शिबिर नागरिकांसाठी लाभदायी ठरणार असल्याची भावना व्यक्त करण्यात येत आहे.
