परभणी | प्रतिनिधी :
मानवत येथील युवराज भास्कर मुंडे यांना Swami Ramanand Teerth Marathwada University कडून इतिहास विषयात पीएच.डी. पदवी प्रदान करण्यात आली. त्यांच्या या उल्लेखनीय शैक्षणिक यशाबद्दल त्यांचा सत्कार समारंभ उत्साहात पार पडला.
या सत्कार समारंभास पाथरी तालुका शिक्षण प्रसारक मंडळाचे अध्यक्ष विजयकुमार कत्रुवार, प्राचार्य डॉ. भास्कर मुंडे, मूल्यशिक्षण समितीचे प्रमुख डॉ. पंडित मोरे, कार्यालयीन प्रमुख गणेश उबाळे, पत्रकार संघाचे अध्यक्ष प्रसाद जोशी यांच्यासह अनेक मान्यवर उपस्थित होते. यावेळी डॉ. चेतनकुमार व्यास व प्रा. संजय देशमुख यांनी मनोगत व्यक्त करत डॉ. युवराज मुंडे यांना पुढील वाटचालीसाठी शुभेच्छा दिल्या.
डॉ. युवराज मुंडे यांनी आपल्या संशोधन विषयाची सविस्तर माहिती उपस्थितांना दिली. “वारकरी संप्रदायात वंजारी समाजातील संतांचे योगदान : एक ऐतिहासिक अभ्यास” हा त्यांच्या संशोधनाचा विषय होता. या संशोधनासाठी त्यांना Rajarshi Shahu Mahavidyalaya चे प्राचार्य डॉ. विठ्ठल घुले यांचे मार्गदर्शन लाभले.
डॉ. युवराज मुंडे हे के.के.एम. महाविद्यालय, मानवतचे प्राचार्य डॉ. भास्कर मुंडे यांचे सुपुत्र आहेत. अध्यक्षीय समारोपात विजयकुमार कत्रुवार यांनी डॉ. मुंडे यांच्या यशाचे कौतुक करत त्यांना भावी वाटचालीसाठी शुभेच्छा दिल्या.
कार्यक्रमाचे सूत्रसंचालन व आभार प्रदर्शन डॉ. पंडित मोरे यांनी केले. याप्रसंगी महाविद्यालयातील बहुसंख्य शिक्षक व शिक्षकेत्तर कर्मचारी उपस्थित होते.
