कोपरगाव प्रतिनिधी : जिल्हा परिषद शाळा, शिंगणापूर ता. कोपरगाव, जि. अहिल्यानगर येथे नवीन व जुने विद्यार्थ्यांचा प्रवेश सोहळा 2026 उत्साहात साजरा करण्यात आला.
प्रवेश सोहळ्याच्या प्रारंभी महिला शिक्षिका सावित्रीबाई फुले यांच्या प्रतिमेस लोकनियुक्त सरपंच विजय काळे, उपसरपंच शाम संवत्सरकर, शालेय शिक्षण समिती अध्यक्ष भगवान संवत्सरकर, ग्रामपंचायत सदस्य संजय तुळसकर, दत्तात्रय चोरघे, ग्रामविकास अधिकारी अविनाश पगारे तसेच पोलीस पाटील सौ. आढाव यांच्या हस्ते पुष्पहार अर्पण करण्यात आला.
यावेळी विद्यार्थ्यांना शालेय साहित्य व मिष्ठान भोजनाचे वाटप करण्यात आले. तसेच ढोल-ताशांच्या गजरात आणि गुलाबपुष्प देऊन विद्यार्थ्यांचे शाळेत उत्साहात स्वागत करण्यात आले.
नवीन प्रवेशित विद्यार्थ्यांचे स्वागत मुख्याध्यापक खेमणार सर व शिक्षकवृंद यांनी केले. शाळेत विद्यार्थ्यांच्या सर्वांगीण विकासासाठी विविध शैक्षणिक व सांस्कृतिक कार्यक्रम सातत्याने राबविले जात असल्याची माहिती यावेळी देण्यात आली.
मुख्याध्यापक, शिक्षकवृंद आणि शालेय व्यवस्थापन समिती यांच्या सहकार्याने माजी विद्यार्थी संघाची स्थापना करण्यात आल्याचेही यावेळी सांगण्यात आले.
