पाटोदा | प्रतिनिधी
महाराष्ट्र राज्य मार्ग परिवहन महामंडळाच्या पाटोदा आगाराच्या आगार प्रमुखपदी श्री. डोके साहेब यांनी नुकताच पदभार स्वीकारला. त्यांच्या नियुक्तीचे स्वागत करत मान्यताप्राप्त कामगार संघटनेच्या पदाधिकाऱ्यांनी त्यांचा सत्कार करून पुढील कार्यासाठी शुभेच्छा दिल्या.
मान्यताप्राप्त कामगार संघटनेचे विभागीय सहसचिव श्रीकांत येडे पाटील यांच्या मार्गदर्शनाखाली आयोजित स्वागत समारंभात आगार सहसचिव श्री. गायकवाड यांनी डोके साहेब यांचे पुष्पगुच्छ देऊन स्वागत केले.
यावेळी वाहन परीक्षक संघटनेचे ज्येष्ठ नेते अमृत काळे, कारागीर क. त्रिंबक शिंदे, गणेश चवरे, रंजित राऊत, श्री. सूर्यवंशी, ज्ञानेश्वर भोसले, विनोद डोंगर, राजेंद्र काशीद, शेख, चवरे तसेच संघटनेचे इतर पदाधिकारी व कर्मचारी मोठ्या संख्येने उपस्थित होते.
कार्यक्रमात उपस्थित मान्यवरांनी डोके साहेब यांच्या प्रशासकीय अनुभवाचा लाभ पाटोदा आगाराच्या प्रगतीसाठी होईल, असा विश्वास व्यक्त केला. कर्मचारी, प्रशासन आणि प्रवासी यांच्यात समन्वय साधून आगाराच्या विकासाला चालना मिळेल, अशी अपेक्षाही यावेळी व्यक्त करण्यात आली.
सत्काराला उत्तर देताना डोके साहेब यांनी सर्वांचे आभार मानले. अधिकारी, कर्मचारी आणि संघटनांच्या सहकार्याने आगाराच्या कामकाजात अधिक सुधारणा घडवून आणण्यासाठी तसेच प्रवाशांना दर्जेदार सेवा उपलब्ध करून देण्यासाठी प्रयत्नशील राहणार असल्याचे त्यांनी सांगितले.
हा स्वागत समारंभ अत्यंत सौहार्दपूर्ण वातावरणात पार पडला.
