प्रतिनिधी :
भारतामध्ये दरवर्षी २१ जून रोजी साजरा करण्यात येणारा आंतरराष्ट्रीय योग दिन यंदाही मोठ्या उत्साहात साजरा करण्यात आला. महाराष्ट्र शासनाने सर्व शासकीय कार्यालये, शैक्षणिक संस्था व स्थानिक स्वराज्य संस्थांना योग दिनात सक्रिय सहभागाचे आवाहन केले होते.
त्या अनुषंगाने साई विद्यालय वंधली येथे विविध योगासनांचे प्रात्यक्षिक करून योग दिन साजरा करण्यात आला. कार्यक्रमात शाळेचे मुख्याध्यापक श्री. प्रविण मा. बरबटकर यांच्यासह श्री. प्रमोद पाटील, श्री. पवन चौधरी, श्री. प्रशांत खापणे, श्री. गोपाल पायघन, श्री. मुकेश वाटेवार, श्री. गणेश वासाडे, कु. बरडे मॅडम, श्री. प्रशांत कालर तसेच विद्यार्थी व पालक मोठ्या संख्येने सहभागी झाले होते.
यावर्षीचा योग दिन “Yoga for Healthy Ageing” या संकल्पनेवर आधारित असून, नागरिकांच्या निरोगी, सक्रिय व सुदृढ जीवनशैलीसाठी योगाचे महत्त्व अधोरेखित करण्यात आले.
योग हा केवळ व्यायामाचा प्रकार नसून शारीरिक, मानसिक आणि भावनिक स्वास्थ्यासाठी प्रभावी साधन असल्याचे यावेळी सांगण्यात आले. तसेच सर्वांनी नियमित योगाभ्यास करून निरोगी जीवन जगण्याचा संकल्प करावा, असे आवाहन करण्यात आले.
