चांदवड | प्रतिनिधी
सरकारच्या शेतरस्ते खुले करण्याच्या ‘शिवपानंद’ मोहिमेला यश मिळत असून चांदवड तहसीलदारांच्या आदेशानुसार साळसाने-निबांळे येथील शिवरस्ता खुला करण्यात आला आहे.
यावेळी सर्कल मॅडम, तलाठी तसेच ग्रामस्थांच्या उपस्थितीत हा मार्ग खुला करण्यात आला. या प्रसंगी राहुल ठाकरे, नितीन ठाकरे, दिगंबर ठाकरे, विशाल ठाकरे, सोमनाथ ठाकरे, बाबुराव ठाकरे, नवनाथ ठाकरे, सुकदेव ठाकरे, धनंजय रंगनाथ ठाकरे, आण्णा ठाकरे, विशाल कोल्हे, आमोल कोल्हे, सचिन कोल्हे, भाऊराव ठाकरे, दादा ठाकरे आदी ग्रामस्थ उपस्थित होते.
अनेक शेतकऱ्यांना शेतीमध्ये ये-जा करण्यासाठी मोठ्या अडचणींचा सामना करावा लागत होता. मात्र शासनाने शेतकऱ्यांच्या समस्या लक्षात घेऊन घेतलेल्या निर्णयामुळे अनेक शेतकऱ्यांचे प्रश्न मार्गी लागत असल्याचे चित्र दिसून येत आहे.
शिवरस्ता खुला झाल्याने परिसरातील शेतकऱ्यांनी समाधान व्यक्त करत प्रशासनाचे आभार मानले आहेत.
